जीवन र दीपकको झल्को आम्चकालाई दर्शकको माया,छोटो समयमै लोकप्रिय बन्यो

बाग्लुङ का सर्जकहरु दीपक कँडेल र जीवन कँडेलको नयाँ गीत झल्को आम्चका सार्वजनिक भएको छोटो समयमै सबै माझ लोकप्रिय बन्दै एक लाख भन्दा धेरै दर्शक बनाएको छ ।

निकै उत्कृष्ट शब्द र सोही अनुसारको लय सिर्जना भएको सो गीतमा शब्द कडेंल दाजुभाइले मिलेर बनाएका हुन भने लय जीवन कँडेलले ।

गीत संगीतमा लागेको छोटो समयमै उत्कृष्ट सिर्जना गर्न सफल जीवनले यस अगाडि पनि केही गीत सार्वजनिक गरिसकेका छन् ।

टिपिकल शब्द र लय समेत रहेको सो गीतलाई दर्शक स्रोताले समेत राम्रो गीत भन्ने प्रतिक्रिया दिएका छन् ।

अन्जु पन्त र बादल थापाको आवाज रहेको सो गीत क्रान्ति केसीले कलात्मक निर्देशन गरेका छन् । आकाश श्रेष्ठ र रियासा दाहालको अभियान रहेको सो गीतलाई दीपिका म्युजिकले बजारमा व्यवस्थापन गरेको छ ।