विश्वकै सेक्सी पुरुषको सूचिमा परे नेपालका आकास श्रेष्ठ

‘म त तिम्रै हुँ ‘ फिल्मबाट नेपाली सिनेमा क्षेत्रमा भित्रिएका नायक आकास श्रेष्ठको अहिले निकै चर्चा छ । उन आफनो चकलेटी लुक्सका कारण चर्चामा त थिए नै अहिले उनको चर्चा झन चुलिएको छ । मोडलिङ हुँदै फिल्ममा उदाएका आकासलाई डेब्युले चर्चा नदिएपनि पछिल्लो समय रामकहानीबाट पनि धेरै हदसम्म क्लिक भए ।

आकासको युवतीहरुमाझ बिषेश क्रेज देखिएको छ । कम बोल्ने र चकलेटी लुक्सका कारण युवायुवतीमाझ उनी लोकप्रिय छन् । उनै लोकप्रिय नायक आकास श्रेष्ठ सेक्सीएस्ट म्यान अफ द वर्ल्ड २०१८ को सूचिमा पर्न सफल भएका छन् । वर्ष २०१८ को ‘सेक्सीएष्ट म्यान अफ द वर्ल्ड’को सूचि हालै सार्वजनिक भएको हो जहाँ आकासले नेपालबाट ८८ औं नम्बरमा आफनो स्थान बनाएका हुन् ।

आकासले आफ्नो सामाजिक सञ्जाल इन्सटाग्राममा एउटा स्टोरी हाल्दै आफू सेक्सीएष्ट म्यान अफ द वर्ल्ड को सूचिमा परेको खुलासा गरेका हुन् । ।उनी यस सूचिमा पर्नु नेपालकै लागि पनि एउटा खुसीको कुरा हो जहाँ विश्व भरबाट १०० जना पुरुषहरुको नाम सार्वजनिक भएको छ । ‘सेक्सीएष्ट म्यान अफ द वर्ल्ड’ को सूचि भने स्टारमोमिटर डट कमले सार्वजनिक गर्ने गर्छ ।